Зхы иазырхәар зылшо ауааҧсыра:
- Адиализи аҷаҷа атрансплантациеи апрограмма рхы иадырхәар рылшоит Аҧсни Цхинвалтәи арегиони ирықәынхо ауааҧсыра.
Апрограмма аҳәаақәа ирҭагӡаны:
Аҷаҷа, ишахәҭоу еиҧш аус амуазар, апациент адиализ изыҟарҵоит. Адиализ амаҭәашьарқәа реиҭныҧсахлара ацәынхақәеи имцхәу аӡи иҧсабаратәым мҩала ацәеижь аҟынтә раныхра иазкуп. Адиализ 2 хкык иҟоуп: агемодиализи аперитонеалтә диализи.
Агемодиализ ала ахәышәтәра аметод ала иазҧхьагәаҭоуп иҧсабаратәым аҷаҷа аппаратла ашьа арыцқьара. Ари аметод рхы иадырхәоит аҷаҷа аусура ианаҟәыҵлак, ҧырхага злоу амаҭәашьарқәа ацәеижь аҟнытә ралгара аналымшо. Агемодиализ аҷаҷа еиҧшҵәҟьоуп ҳәа узыҳәом, аха, уи абзоурала, ауаҩы аҧсҭазаареи аусуреи наигӡар илшоит.
Апациент аперитонеалтә диализ изыҟарҵоит имгәаҿы. Аперитонеалтә диализ аан араӡага ароль нанагӡоит аперитонеум ахацыркыра, уи амгәарҭа аартны, аорганқәа хнаҩоит. Адиализ акатетер ҳәа изышьҭоуп апластикатә шәыра, ахирургиатә методла амгәацәа иҭадыргылоит. Убри анеҩс, амаҭәашьар ҷыда амгәа иҭаҭәаны, акьатеиқәа рыкәша-мыкәша рыӡәӡәоит. Адиализ ари аформа аҩны имҩаҧгазаргьы ауеит, апациент ахәышәтәырҭахь ацара иқәшәом.
Агемодиализ аан адатә анеирҭеи (иаҭаххар), иара убас, аперитонеалтә диализ аан акатетер аимплантациа/еқсплантациа (иаҭаххар) аҧара азоушьҭхоит зегьирзеиҧшу агәабзиарахьчара апрограмма аҳәаақәа ирҭагӡаны.
Апрограмма аҽалархәреи ицәыргатәу адокументқәеи:
Апрограмма аҽалархәра амзызла, Аҧсны ма Цхинвалтәи арегионаҿ инхо ауаҩҧсы:
- Ашәҟәҭаҩра ашьаҭала хаҭалатәи аномер ианашьазароуп; мамзаргьы,
- Ахаҭара зыршаҳаҭуа анеитралтә агәраргага ма анеитралтә аныҟәаратә документ, мамзаргьы,
- Қырҭтәыла атәылауаҩ ихаҭара зыршаҳаҭуа адокумент имазароуп.
Амедицинатә цхыраара аиуразы, апациент, абри авеб-даҟьаҿ иарбоу амедицинатә усбарҭақәа руакы дадҵаалароу: https://nha.moh.gov.ge/ge/c/dializi-da-tirkmlis-transplantacia
Апрограмма аҧара азоушьҭра:
Апрограммала иазҧхьагәаҭоу амедицинатә маҵзура инагӡаны аҧара азоушьҭуп, апациент аицшәара иқәшәом.
